النتائج 1 إلى 7 من 7

الموضوع: أجمل جولة فى العتبة والموسكى سور الأزبكية

السلام عليكم : كيفكم ؟ يا رب تكونوا جميعا بخير و في أحسن حال يا رب ممكن أبدا معاكم .. بسلسلة تقارير عن القاهرة ...حبيبتي الغالية

  1. #1
    الصورة الرمزية مجدى سالم
    تاريخ التسجيل
    Jun 2010
    المشاركات
    18,231
    معدل تقييم المستوى
    76

    افتراضي أجمل جولة فى العتبة والموسكى سور الأزبكية

    السلام عليكم :

    كيفكم ؟ يا رب تكونوا جميعا بخير و في أحسن حال يا رب


    ممكن أبدا معاكم .. بسلسلة تقارير عن القاهرة ...حبيبتي الغالية ...


    حتكون عبارة عن جولات بسيطة ..كل جولة في موضوع منفصل ...التعليق و الترتيب مني تماماااا ...و الصور منقولة و مرتبه لتناسب التقرير ....




    انهارده حنروح لجمهورية العتبة و الموسكي على سن ورمح


    أوعدكم رغم الزحمة إنها حتكون رحلة ممتعة جدااااا


    أجمل جولة العتبة والموسكى الأزبكية

    طبعا للي ميعرفوش المنطقة دي خلينا نقولهم رحلتنا انهاردة حتكون لفين في العتبة ....


    ميدان العتبة

    سور الأزبكية- ( أكبر مكتبة كتب في قلب القاهرة )

    الموسكي

    درب البرابرة -( مركز بيع النجف و أدوات الإضاءه )

    حمام الثلاثاء .(مركز بيع أدوات المنزل )

    المناصرة .( مركز بيع الأثاث)

    شارع الأزهر و ميدان الأوبرا .




    أجمل جولة العتبة والموسكى الأزبكية


    أتمنى أن جولتنا إنهارده تعجبكم ...و تنول رضاكم


    [/COLOR][/COLOR][/FONT][/B]

    ميدان العتبة





    أحد أهم مناطق القاهرة على الإطلاق، زمان كان اسمها العتبة الخضراء ..و طبعا مبقاش في أي خضار فيها دلوقتي .. فبقى اسمعها العتبة ...

    أجمل جولة العتبة والموسكى الأزبكية


    أجمل جولة العتبة والموسكى الأزبكية


    حنروحها إزاي ... مينفعشي نروح بالعربية و لا الباص عشان الزحمة ... الحل الأسهل دلوقتي هو مترو الأنفاق ......


    أجمل جولة العتبة والموسكى الأزبكية



    و حنطلع من المحطة ....

    طبعا أول ما حنطلع حنلاقي سور الأزبكية قدامنا بس مش حنتكلم عنه هو الأول .. لا حنبتدي من العتبة نفسها و بعدين نتكلم عن سور الأزبكية و باقي المعالم



    زي ما قلنا قبل كده نظرا لان العتبة تعتبر من أهم المراكز التجارية لكل طوائق الشعب و رخص أسعارها الكبيييييير عن باقي أسواق مصر الأخرى تعتبر من أزحم مناطق مصر .....



    أجمل جولة العتبة والموسكى الأزبكية

    أجمل جولة العتبة والموسكى الأزبكية


    أجمل جولة العتبة والموسكى الأزبكية



    المصريين بيجولها من كل مكان ، مش ممكن تكون عايز حاجة و متلاقهاش هنا .. ومع أن غالبية زبائنها من الطبقات المتوسطةو الأقل ، لأسعارها الرخيصة ، فإن الأغنياء برضو بييجوا هنا , و ده طبعا للي عارفين المكان كويس و زحمته و الطرق ...

    لبس خروج و عبايات و لبس بيت و أحذية و شنط و كوووول حاجة بإرخص أسعار في مصر على الإطلاااااااااااااااااق - مش حتلاقي أرخص من كدة في مصر أبدا ..




    أجمل جولة العتبة والموسكى الأزبكية

    أجمل جولة العتبة والموسكى الأزبكية



    بس طبعا في فصااااااال و بالذات مع الباعة اللي فارشين في كل مكان في العتبة ...و انتو و شطارتكم .....


    أجمل جولة العتبة والموسكى الأزبكية


    أجمل جولة العتبة والموسكى الأزبكية




    و طبعا .... فرق كبير في الأسعار عن بره .....

    بس مش هو ده بس سر جاذبية العتبة .....


    سور الأزبكية .....



    أجمل جولة العتبة والموسكى الأزبكية


    طبعا دي أحلللللللى ..و أجمل مرحلة في رحلتنا يا جماعة هي دي ...


    أول ما نطلع من محطة مترو الأنفاق الخاصة بالعتبة .....تلاقوه في وشكم عالطول ...


    واحنا ف الطريق تعالوا احكيلكم عن تاريخ السور دة......


    بدأ السوق بمجموعة من باعة الكتب القديمة حيث كانوا يقومون بشرائها من مكتبات (دار السعادة)، (والآداب) وغيرها وكانوا في البداية يقومون بشراء الكتب صغيرة الحجم ويقومون ببيعها على مقاهي المثقفين (مقهى ريش وزهرة البستان)، أما في ساعة القيلولة وحين تغلق المقاهي أبوابها فكان هؤلاء الباعة يلجئون إلى ميدان الأوبرا للاستراحة في ظل الأشجار التي كانت تملأ الميدان آنذاك وأصبح شارع (حمدي سيف النصر) الذي يفصل بين حديقة الأزبكية والأوبرا الملكية مكانا لعرض بضاعتهم من الكتب تجذب المارة فيتوقف بعضهم لشرائها".

    و مع الوقت استقر الباعة في المكان، واستمر الوضع إلى أن قامت ثورة 1952 وقام الرئيس جمال عبد الناصر بإنشاء أكشاك ومكتبات لهؤلاء الباعة......

    أجمل جولة العتبة والموسكى الأزبكية



    و الحقيقة يا جماعة ...ان السور دة كنزززز كبير للي يقدره و يعرف يطلع أحلى ما فيه ... يكفي إن اقولكم إن ممكن تلاقو فيه موسوعات وكتب قيمة بنصف و ربع أسعارها برة



    أجمل جولة العتبة والموسكى الأزبكية


    أجمل جولة العتبة والموسكى الأزبكية


    و فيه الكتب المستعملة إستعمالا جيدا بإسعار خرااااافيه... أيون ... انا اعني ما أقول ... يعني لو أقول ل إن أشهر الروايات لاشهر الكتاب كتولستوي و فيكتور هوجو و غيره كانت بتباع ب 20 جنية و هي سعرها يصل ل 100 و اكتر في بعض الطبعات الأخرى في آخر معرض كتاب في القاهرة حتعرفوا قصدي اية ...

    غير روايات توفيق الحكيم و كتب العقاد .. و كبار المؤلفين ... في الماضي و حاليا ....


    ده غير الأبحاث و المراجع القديمة بإسعار حلووووة ...و الموسوعات ...

    و للي عايزين كتب جديدة حتلاقو برضو أحدث الكتب و الروايات .. ديني .. علمي ... كتب جامعات ... دراسة .. كتب خارجية ... كوووووووووووووووول اللي تتخيلوووه


    و طبعا مكان سور الأزبكية في معرض الكتاب كل سنة بيبقى زحمة فوق الوصف .... فاحسن الواحد ييروح بنفسه و يعيش بأه ... في عالم رائع ... طبعا لمحبي الكتب و الروايات

    و مش حوصيكم .. الفصال .. ثم الفصال


    و الله ده حتى مجلدات ميكي و سمير و غيرها للإطفال و القصص و الكتب المصورة و غيرها ....


    أجمل جولة العتبة والموسكى الأزبكية

    الخلاصة ... أجمل و أرخص مكتبة في مصر كلها .... بتناديكم


    [/SIZE][/SIZE][/FONT]و تعالو نكمل رحلتنا مع حي الموسكي


    أجمل جولة العتبة والموسكى الأزبكية


    و الموسكي ....يعود تاريخه لمؤسسه الأمير "عز الدين موسك"، أحد أمراء صلاح الدين الأيوبي، يبدأ الحي من ميدان العتبة عند كوبري الأزهر، ويتماشى طولياً مع شارع الأزهر لينتهي بمسجد الأزهر الشريف ومسجد سيدنا الحسين.....


    أجمل جولة العتبة والموسكى الأزبكية

    و يشتهر السوق العريق بازدحامه طوال أيام الأسبوع ...المنطقة كلها كتله من البشر ... اللي بيشتري و يبيع و هي السوق المفضل للطبقات الوسطى فالأقل في مصر ...

    الموسكي .... من الأبرة للصاروخ

    اللي عايزين أي حاجة عليهم و على الموسكي .. هدوم .. لبس خروج و بيت و أطفال و غيارات .... مفروشات ....لعب أطفال ... أكسسورات ....أدوات ديكور و زينة ... كل ما تتخيلو ..


    أجمل جولة العتبة والموسكى الأزبكية



    و رغم إنه سوق شعبي ..إلا ان فيه بضاعة حلوة محلي و مستورد و حجات تلاقيها في محلات كتير برة الموسكي لانهم بييجوا ياخدوا اصلا من هنا ..

    أجمل جولة العتبة والموسكى الأزبكية





    و على فكرة معظم البائعون بييجوا الموسكي بروضووو يشتروا منه بالجملة و في أماكن مخصصة خصيصا لبيع الجملة ...ف مثلا في حارة اليهود في الموسكي مليئة بلعب الأطفال و الأكسسورات و الزينة ..


    أجمل جولة العتبة والموسكى الأزبكية







    و أماكن أخرى لبيع مستحضرات التجميل و البيت و غيرها ...



    أجمل جولة العتبة والموسكى الأزبكية



    و المفروشات .... بإقل اأسعار و دي حتلاقيها متركزة في الموسكي و الغورية و الأزهر ....و طبعا وكالة البلح و ان كانت بعيدة جدا عن هنا ....

    أجمل جولة العتبة والموسكى الأزبكية




    و توك الشعر بإرخص الأسعار جملة ,,, إكسسوارات بإرخص الأسعار و جملة .... وووو و لحاااااد العطارة و محلات العطارين المختلفة و المتنوعة ....

    أجمل جولة العتبة والموسكى الأزبكية




    و لانه زي ما قلنا بيشمل الطريق للحسين و الأزهر ... طبيعي و انت ماشي تلاقي سياح يناضلون في الزحام لشراء تذكارات سياحية مميزة بإسعار جيدة ...


    أجمل جولة العتبة والموسكى الأزبكية


    ده غير أماكن مشهورة أوي مخصصة لبيع سلع معينة و ده أجمل ما في الموسكي بصراحة .. إن كل سلعة بيبقى في محلات كتيير جنب بعضها بتبيع منها و بيبقى تجمع لبيع السلعة دي و ده بيدينا اختيارات و أسعار مختلفة ....


    يعني منطقة بالكامل لبيع أدوات الحلوانية و الكحك و الحلويات ... و منطقة بالكامل للعب الأطفال ... و منطقة بالكامل للنجف و ادوات الإضاءه ...و هكذا



    درب البرابرة ......... مركز الإحتفالات و الإضاءة المصرية ..



    ويرجع تاريخ سوق درب البرابرة إلى أكثر من 100عام مضت ... و منطقة درب البرابة هي مركز من ينتظر حادثا سعيدا .... و قد أخذت إسمها على أرجح الأقوال من مجموعة من قبائل البربر سكنت هذا الحي قديما .....

    ورغم شعبية وتواضع المكان إلا أن الجميع يرتادونه وكل طبقة تجد ما تبحث عنه وما يتناسب مع ميزانيتها‏,‏ بداية من الطبقات الكادحة و حتى الطبقات الثرية ....لانه المكان الفريد لإدوات السبوع المصري مثلا ..


    و الأب و الأم اللي بينتظروا بيبي جميل ........ييجي يدوروا على مستلزمات السبوع المصري ...

    من أجل صناعة «بانبونيرة» العروس يزور الدرب آلاف الزبائن من كافة قرى ومحافظات مصر. ومن أجمل المشاهد التي تقع عليها العين هنا هو ذلك التجمع الكبير من الفتيات العاملات في محلات الحلوى وهن يقمن بتغليف الهدايا وتعبئة العلب والبانبونيرة، التي تنوعت بشكل كبير، فهناك المصنوعة من «الكارتون» على شكل فانوس رمضان ومعبأة بـ «الفيشار» والفول السوداني والملبس الرخيص وسعرها لا يتجاوز جنيها واحدا، وهناك العلب البلاستيك بأشكال لعب الأطفال وغالبا ما تحتوي على نفس المكونات وقد تضاف إليها قطعة شيكولاتة ...

    أجمل جولة العتبة والموسكى الأزبكية

    و طبعا اللي حضروا سبوع طفل من المصريين هنا أو حتى العرب ....عارفين البونبونيرات اللي بتتوزع و البونبوني ...كله بيبقى من هنا

    مع كروت فيها كلام ظريف جدا ..من نوعية شيلوني بحنية دي ماما تعبت فيا و الحجات دي







    و اللي بيجهزوا بيدوروا على أحلى تجمع محلات نجف و كريستال واباجورات بإحسن أسعار

    عن تجربة .. تشكيلة كبيرة و متنوعة أجمل جولة العتبة والموسكى الأزبكية


    أجمل جولة العتبة والموسكى الأزبكية


    أجمل جولة العتبة والموسكى الأزبكية







    والعروس التي على وشك الزواج تيجي تدور على تاجها و إكسسواراتها ......كووول اكسسسوارات الفرح للعروس هناا


    و الستات الشاطرين بيدوروا على مستلزمات الحلويات و الكيك ...

    كل ما تتخيلوا من قوالب كيك و مستلزمات الكريمة و التورت ووووو لكل حلوانية مصر
    بإرخص اسعار في مصر لان الحلوانية أصلا بيشتروا مستلزماتهم من هنا


    أجمل جولة العتبة والموسكى الأزبكية
    و ده اللي حنشوفة دلوقتي إن شاء الله تعالى .


    و زي ما نتو شايفين .. ميبيقاش محل و لا اتنين جنب بعضهم و خلاص ... لا بيقى سوق بحاله بكل المحلات و المناطق اللي فيه بيبيع نفس السلعة ... و ده بيوفر تشكيلات متنوعة ..

    و ده تلاقيه كتييييييييييييييييييييييييييييييييييييير أوي .... غير الموسكي و درب البرابرة ...شارع عبد العزيز مثلا ... سوق التلات ... المناصرة .. كل المناطق دي عبارة عن أسواق متخصصة بالكامل ....


    شارع عبد العزيز و هو المتخصص في الأدوات الكهربائية و الموبيلات ...



    أجمل جولة العتبة والموسكى الأزبكية


    اللي سمعته لاني خارج مصر حاليا ان محلات في كتير اتكسرت أيام الثورة و ما بعدها ....و معرفشي رجع لنشاطة بالكامل و لا لا

    عموما بالذات كمان في الموبيلات .. ان مكنشي الواحد خبير أوي أوي أوي بسعر الحاجة و في الموبيلات حالت موبيله و سعره و بطاريته لو عايز يبيعة مثلا يبقى بلاش ..


    ************************************************** **


    في سوق التلات ..و ده لجهاز البنات أجمل جولة العتبة والموسكى الأزبكية



    أجمل جولة العتبة والموسكى الأزبكية

    أشهر مكان لجهاز البنات في القاهرة كلها .......

    أجمل جولة العتبة والموسكى الأزبكية


    أطقم حلل... الومنيوم و تيفال و استنلس ... كاسات و صيني و أدوات مطبخ .. محلات كتييييييير فوق بعضها في مكان واحد و أسعار متقاربة ...

    الناس بييجوا له من الأرياف ساعات يجهزا من هنا طمعا في أعتدال أسعاره بالنسبة لبره



    **************************************************

    سكة المناصرة ...ميني دمياط في قلب القاهرة


    أجمل جولة العتبة والموسكى الأزبكية


    طبعا ... من العنوان يوضح لنا نشاط الشارع أو الحي ده ... و هو صناعة الأثاث اليدوي ..



    أجمل جولة العتبة والموسكى الأزبكية


    طبعا في مصر لا يعلى على الأثاث الدمياطي ... الذي يملأبيوتنا جميعا و بعض البيوت العربية و يملأمعارض الأثاث في مصر كلها في ما يمكن ان نسمه المعجزة الدمياطية المعروفة

    إنما هذا المكان برضو شهير نوعا في القاهرة ...و بشتهر بالكراسي و الكونسيلات و الترابيزات و حتى أطقم المفروشات الجميلة ذات السعر المعقول .....

    أجمل جولة العتبة والموسكى الأزبكية


    و إذا كان الجميييع في دمياط يعملون بدون عاطل واحد في ما يشبه المنظومة فدمياط هي المحافظة الوحيده في مصر التي ليس بها عاطل واحد عن العمل .. فالجميع هنا كذلك يعملون في صناعة الأثات كبار و صغار ...

    أجمل جولة العتبة والموسكى الأزبكية



    و زي ما قلتلكم ده أجمل ما في المنطقة دي .. تقارب معظم المحلات ذات النشاط الواحد في المكان الواحد للسهولة في الاختيار أجمل جولة العتبة والموسكى الأزبكية


    شارع الأزهر ....


    أجمل جولة العتبة والموسكى الأزبكية

    و قبل ما نروح بأه عشان أكيد تعبتوا من اللف و الزحمة ... تعالوا معايا على شارع الأزهر


    أجمل جولة العتبة والموسكى الأزبكية

    بدايتة من ميدان العتبة لحااااد الجامع الأزهر اللي منه واخد الإسم

    أجمل جولة العتبة والموسكى الأزبكية


    طبعا كغيره من شوارع القاهرة ..مزدحم معظم الوقت و رغم وجود كوبري و نفق الإزهر ..لكن كونه شارع تجاري و به كثير من المحلات يجعلة مزدحما ...

    أجمل جولة العتبة والموسكى الأزبكية

    أجمل جولة العتبة والموسكى الأزبكية

    و يشتهر بمحلات الستائر و المفروشات و ما يعرف في مصر بقماش التنجيد و المفروشات دي ماليا لشارع ...

    و محلات العطارة و بيع التذكارات الإسلامية كثيرة في الشارع أيضا ..


    يتبع طبعا ... بآخر جزء في رحلتنا مع ميدان الأوبرا الشهير جدا .......


    و مسك الختام ... في جولة العتبة ...



    محطتنا الاخيرة .. هو ميدان الأوبرا .....


    أجمل جولة العتبة والموسكى الأزبكية


    أجمل جولة العتبة والموسكى الأزبكية




    أجمل جولة العتبة والموسكى الأزبكية


    ميدان الأوبرا هو أحد الميادين الرئيسية في وسط القاهرة ويعود تاريخه إلى عام 1869 ميلادياً وهي السنة التي أنشأت فيها أول دار أوبرا في الشرق الأوسط في عهد الخديوي إسماعيل.... اللي كان مغرم بفرنسا و فنها المعماري

    أجمل جولة العتبة والموسكى الأزبكية

    أجمل جولة العتبة والموسكى الأزبكية


    و من هنا كان اسم ميدان الاوبرا ...... و يتوسط الميدان تمثال ابراهيم باشا ابن محمد على الاكبر جالسا على حصانة ...و تحوطة حزام اخضر صغير ...


    أجمل جولة العتبة والموسكى الأزبكية


    أجمل جولة العتبة والموسكى الأزبكية



    ابراهيم باشا من الشخصيات المحورية في مصر عصر محمد علي .. لانه صاحب إنجازات حربية كبيرة و عشان كده متهيألي في مدمرة مصرية اسمها المدمرة ابراهيم على ما اسمع يعني نسبة لاإبراهيم باشا و دورة في الجيش المصري ..

    أجمل جولة العتبة والموسكى الأزبكية


    طبعا معروف تاريخيا إنه محكمشي مصر لانه توفي في حياه ابيه ... و عشان كده اتعمل له التمثال ده تكريما له

    أجمل جولة العتبة والموسكى الأزبكية


    الميدان فيه أنواع كتييير من المحلات المتخصصة ... ساعات ... ملابس رجالي و حريمي و حديثا مول كبير و ملابس سوارية ..


    و بكده ..... متهيألي رحلتنا في العتبة و ملحقاتها تكون خلصت ..و أتمنى انها تكون عجبتكم و تكونوا استمتعتم معايا بيها

    مما راق لى





    [/CENTER]

    [/B][/CENTER]

    المواضيع المتشابهه:


  2. #2
    -( عضو فضي )- الصورة الرمزية حورية عمان
    تاريخ التسجيل
    Apr 2011
    الدولة
    عمان
    المشاركات
    1,155
    معدل تقييم المستوى
    15

    افتراضي رد: أجمل جولة فى العتبة والموسكى سور الأزبكية


    أشكرك اخي أستمتعت جدا بالمناظر الشعبية القديمة والسوق القديم جدا
    ف انتظار جديدك.

    موفق بإذن الله ... لك مني أجمل تحية .


  3. #3
    :: مراقب ::
    المنتديات العامة
    الصورة الرمزية الفارس الابيض
    تاريخ التسجيل
    Mar 2011
    الدولة
    مصر
    المشاركات
    57,056
    معدل تقييم المستوى
    136

    افتراضي رد: أجمل جولة فى العتبة والموسكى سور الأزبكية

    [align=center]

    كل الشكر للمجهود الجميل
    والموضوع الرائع
    تسلم الايادى
    مجهود رائع
    كل التحية لكي ولجهودك الرائعه
    فى امان الله
    فارس الظلام


    [/align]


  4. #4
    الصورة الرمزية مجدى سالم
    تاريخ التسجيل
    Jun 2010
    المشاركات
    18,231
    معدل تقييم المستوى
    76

    افتراضي رد: أجمل جولة فى العتبة والموسكى سور الأزبكية

    اشكر لكَم تواصلكم .. بين طيآت مواضيعي
    طيب المسك.., لروحكم ولشخصكم
    الراقي
    ينحني قلمي ..لهذا الحضور المبهج
    فلآ تحرمونا من جديد قلمكم ونزفكم الراقي
    نورآ وجمآلأ ..زادهآ "إطلآلتكم "
    سعدت بتواجدك .. وردكم العذب
    دمتم بود



  5. #5
    :: دولي جديد ::
    تاريخ التسجيل
    Apr 2012
    المشاركات
    5
    معدل تقييم المستوى
    0

    افتراضي رد: أجمل جولة فى العتبة والموسكى سور الأزبكية

    تسلم الجولة حلوة كتير ...... ياريت لو تعرف منطقة الحمزاوى اللى قرب الازهر توضحها شوية....... و انا عايزة اعرف فين محلات بيع الستاير و قماش الانتريهات اللى فى شارع الازهر .... اكون ممنونة لو تفضلت بالشرح ....... منال سمير


  6. #6
    الصورة الرمزية مجدى سالم
    تاريخ التسجيل
    Jun 2010
    المشاركات
    18,231
    معدل تقييم المستوى
    76

    افتراضي رد: أجمل جولة فى العتبة والموسكى سور الأزبكية

    الأخت الكريمة
    منال سمير
    سوق الحمزاوي بيفتح من ١١الي ٩ وفي مكان اشيك منه قوي وهو الوكاله وهي دايما بينزل فيها اشيك الاقمشه بس عايزه فصال جامد اما الحمزاوي اسعاره ارخص بس مش بيرضه الفصال
    الوكالة احسن حاجة انا جبت قماس الستاير من هناك وكان تحفة من محل اسمة كورتينا بس هو غالى شوية
    افضل مكان تقدرى تشترى منه قماش كويس من الأزهر

    محلات اقمشه شيك جداا والقماش اللي فيها مستورد والاسعار معقوله جداا هتلاقي الرخيص والغالي
    المحل ف الوكاله ع الكورنيش ع طول اسمها محلات الانصااري
    سوق الحمزاوي في الازهر
    قريب من الموسكي
    وخان الخليلي والحتت دي
    ممكن تركبي المترو العتبه وتاخدي تاكسي للحمزاوي
    هي قريبه اوي

    نصيحه ياقمر لما تنزلي الحتت دي بلاش تلبسي لبس غالي
    عشان التجار بتستغل الهاي كلاس اوي
    وفهمي البياع انك عارفه كل حاجه
    ياريت تخدي حد معاكي بيعرف في القماش
    واسالي ولفي
    في محلات علي الشارع وفي محلات لما تعدي الناحيه التانيه
    ممكن تكون ارخص

    وكمان الوكاله فيها قماش جميل جدا

    انزلي واتفرجي وربنا يصلح لكي الاحوال

    وهناك أيضا
    محل بيبيع القماش بالكيلو وقماش مضمون 100 فى 100 وكمان قماش التنجيد لو ستائر وخلافه من الاسواق لانى لفيت كتير وسط البلد ولاقيت نفس القماش والاسعار هنا احسن على الاقل بافاصل كويس

    المحل اللى بيبيع القماش بالكيلو موجود فى الجيزة فى شارع المحطة قدام مكرونة الانسجام تمن الكيلو يتراوح من 20الى 30 جنيه حسب الخامة طقم الملايات بيتكلف تقريبا 40 جنيه5 قطع والقماش دا بيبقى بواقى مصانع بس قطن خالص وكمان فى كرتون التنجيد وكستور للبيجامات الرجالى والحريمى وممكن اصواف واللينوه الحريمى وكل حاجة بسعربس تحفة انا سالته بتجيب القماش دا منين قالى من الوكالة ام بالنسبة للستائر وخلافه دا من سوق التلات بالمنيب والوكالة والازهر كتير واللى اشتريته لاقيته موجود هنا وباسعار احسن كمان
    أرجوا أن أكون وفيت بالموضوع




  7. #7
    :: دولي جديد ::
    تاريخ التسجيل
    Mar 2013
    المشاركات
    1
    معدل تقييم المستوى
    0

    افتراضي

    السلام عليكم
    انا كنت عايزه اعرف فين اجيب الساعات الكوبي والهاى كوبي بالجمله او بالكيلو ؟
    حاره اليهود ولا الاوبرا ولا العتبه؟
    شكرااااااااا


ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108